Ko Wai Au

Tau ana ki runga i te tirohanga o Kaawhia, titiro whakararo ki te rangatira o tooku marae, ko Auaukiterangi ki Maketuu, takahia atu au ki te herenga o te waka Tainui, ngaa koohatu ko Hani me Puna ko te whakapapa o,

Tangi-te-korowhiti, rere au ki runga o, Kaawhia moana ki ngaa waahi o Te Hauaauru ko Te Maika, ki Te waitere ara ko Honipaka. Kaukau ana ki roto o ngaa ngaru ki Arohaki, haere toonu ki Paparoa tae atu kia waiohipa teenaa koe tooku awa ko Mitiwai.

E noho ana au ki runga o tooku whenua taurikura o Ngaati Mahuta ko te Tahaaroa o Ruapuutahanga, teenaa koorua ngaa marae ko Aaruka, ko Te Kooraha.